Popular

នៅព្រឹកព្រលឹមស្រាងៗត្រូវនឹងម៉ោង៦ព្រឹកថ្ងៃព្រហស្បតិ៍ទី២៤កុម្ភៈ ម៉ោងនៅទីក្រុងម៉ូស្កូ។ប្រធានាធិបតីរុស្សីលោក វ្ល៉ាឌីមៀរ ពូទីន បានចេញមកថ្លែងសារដ៏ភ្ជាក់ផ្អើលមួយតាមរយៈកញ្ចក់ទូរទស្សន៍ជាតិ។ លោកពូទីន បានសម្រេចប្រកាសចេញនូវ «ប្រតិបត្តិការយោធា» ជាផ្លូវការទៅកាន់តំបន់ ដុនបាស (Donbass) ភាគខាងកើតអ៊ុយក្រែន ដែលជាតំបន់ក្រុមឧទ្ទាមផ្តាច់ខ្លួនពីររួមបញ្ចូលគ្នាគឺ ដូណេតក៍ (Donetsk) និង លូហាន់ក៍ (Luhansk) ដែលរុស្ស៊ីទើបទទួលស្គាល់ជារដ្ឋឯករាជ្យកាលពីប៉ុន្មានថ្ងៃមុន។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។