Popular

ក្រោយពីបានដាក់ឲ្យដំណើរការកាលពីចុងខែមីនា ឆ្នាំ២០២១ មកទល់ពេលនេះ មានឥណទានចំនួន១៨ករណីប៉ុណ្ណោះ ដែលទទួលបានកម្ចីពីធនាគារ និងមីក្រូហិរញ្ញវត្ថុ ក្រោមការធានាដោយសាជីវកម្មធានាឥណទាន ដើម្បីស្តារអាជីវកម្ម(BRGS) ដែលមានទុនប្រមាណ ២០០លានដុល្លាររបស់រាជរដ្ឋាភិបាលកម្ពុជា។ ទោះបីជាចំនួនការធានាប្រាក់កម្ចីនេះ មានត្រឹមតែ ១៨ករណីក៏ពិតមែន ប៉ុន្តែអ្នកជំនាញនៅក្នុងវិស័យធនាគារ និងហិរញ្ញវត្ថុយល់ឃើញថា វាជាចំនួនច្រើនគួរសម នៅក្នុងដំណាក់កាលដំបូងនេះ។