Popular

រដ្ឋមន្ត្រីការបរទេសអាមេរិក លោក អានតូនី ប្លីងខេន បាននិយាយនៅថ្ងៃពុធសប្ដាហ៍នេះថា សហរដ្ឋអាមេរិកកំពុងមើលទៅលើជំហានបន្ដទៀត ដើម្បីប្រឆាំងនឹងរបបយោធាភូមា ព្រមទាំងបានគូសបញ្ជាក់ទៀតថា មេដឹកនាំនៃប្រទេសតំបន់អាស៊ីអាគ្នេយ៍ គឺត្រូវបានអញ្ជើញឲ្យចូលរួមនៅក្នុងកិច្ចប្រជុំកំពូលជាមួយនឹងប្រធានាធិបតីអាមេរិក លោកចូ បៃឌិន នៅក្នុងពេលខាងមុខ ដែលក្នុងនោះ ក៏មានពិភាក្សាអំពីបញ្ហាទាក់ទងនឹងប្រទេសភូមានេះផងដែរ។ លោក អានតូនី ប្លីងខេន អះអាងយ៉ាងដូច្នេះ នៅក្នុងដំណើរទស្សនកិច្ចរបស់លោកនៅក្នុងប្រទេស ម៉ាឡេស៊ី នៅក្នុងថ្ងៃពុធសប្ដាហ៍នេះ។