#ការវិនិយោគ

ការវិនិយោគលើវិស័យមូលបត្រនៅកម្ពុជា គឺជានិន្នាការវិនិយោគថ្មីនៅកម្ពុជាពេលបច្ចុប្បន្ន ខណៈដែលវិស័យនេះ ត្រូវបានអ្នកជំនាញមើលឃើញថា ហាក់នៅមានភាពក្មេងខ្ចីនៅឡើយ។ បើតាម អ្នកជំនាញ ដោយសារតែវាជាវិស័យថ្មី បច្ចុប្បន្ននេះ ការវិនិយោគលើមូលបត្រ ក៏កំពុងទទួលបានការលើកទឹកចិត្តពីរាជរដ្ឋាភិបាលផងដែរ តាមរយៈការបន្ថូរបន្ថយពន្ធមួយចំនួន ដែលនេះ វាគឺជាឱកាសមួយ ដែលអ្នកវិនិយោគគួរតែពិចារណា។ ទោះយ៉ាងណា អ្នកជំនាញ គូសបញ្ជាក់ដែរថា អ្នកវិនិយោគក្នុងវិស័យនេះ ក៏ត្រូវមានភាពឆ្លាតវៃផងដែរ មិនមែនចេះតែវិនិយោគតាមគ្នា ឃើញគេទិញក៏ទិញតាមគេនោះទេ។