#កូវីដ-១៩

ចំនួនករណីឆ្លងកូវីដ-១៩ ប្រចាំថ្ងៃនៅក្នុងប្រទេសឥណ្ឌា បានបង្ហាញពីការថមថយចុះគួរឲ្យកត់សម្គាល់ ពោលគឺតួលេខនៅថ្ងៃអង្គារទី ២៦ ខែឧសភានេះ ឥណ្ឌាមានចំនួនអ្នកឆ្លងកូវីដ-១៩ ក្រោម២០ម៉ឺននាក់ ដែលជាការឆ្លងប្រចាំថ្ងៃទាបបំផុតគិតតាំងពីថ្ងៃទី ១៤ខែមេសាមក។ ប៉ុន្ដែ បើមើលទៅលើចំនួនអ្នកស្លាប់វិញ គឺនៅតែមានខ្ពស់ដដែល ដោយមួយថ្ងៃឥណ្ឌាស្លាប់ជាង៣ពាន់ ទៅ៤ពាន់នាក់ ដែលនាំឲ្យចំនួនអ្នកស្លាប់ដោយសារកូវីដ-១៩សរុបនៅក្នុងប្រទេសនេះ បានកើនឡើងដល់ជាង ៣០ម៉ឺននាក់ហើយគិតមកទល់ពេលនេះ។ នេះបើតាមការរាយការណ៍ដោយសារព័ត៌មាន AP។