#លំនៅដ្ឋានតម្លៃសមរម្យ

រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចាត់ទុកគម្រោងអភិវឌ្ឍន៍លំនៅដ្ឋានតម្លៃសមរម្យមួយកន្លែងនៅក្នុងស្រុកស្អាង ខេត្តកណ្ដាល របស់ក្រុមហ៊ុន WorldBridge Homes ដែលគេស្គាល់ថា ជារបស់លោកឧកញ៉ា សៀ ឫទ្ធី នោះ ថាជាគម្រោងលំនៅដ្ឋានតម្លៃសមរម្យគំរូមួយ ដែលអ្នកអភិវឌ្ឍន៍ដទៃទៀតគួរតែយកលំនាំតាមទាំងនៅលើផ្នែកគុណភាព ហេដ្ឋារចនាសម្ព័ន្ធ សន្តិសុខ និងសេចក្ដីថ្លៃថ្នូរ ខណៈដែលគម្រោងលំនៅដ្ឋាននេះ ត្រៀមនឹងប្រគល់ផ្ទះ ដែលបានសង់សាង់រួចរាល់ជាង៦០០ ខ្នង ក្នុងជំហានដំបូង ជូនដល់អតិថិជនរបស់ខ្លួន នៅក្នុងខែមេសាខាងមុខនេះ។