#លោក ពូទីន

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានព្រមព្រៀងជាមួយប្រធានាធិបីអាម៉េរិកលោក ដូណាល់ ត្រាំ ផ្អាកវាយប្រហារលើហេដ្ឋារចនាសម្ព័ន្ធថាមពលរួមមានរោងចក្រផលិត កែច្នៃ និងចែកចាយថាមពលរបស់អ៊ុយក្រែនបណ្ដោះអាសន្នរយៈពេល៣០ថ្ងៃ។ ប៉ុន្តែលោក ពូទីន បានបដិសេធមិនអនុវត្តបទឈប់បាញ់ទាំងស្រុងរយៈពេល៣០ថ្ងៃនៅទូទាំងប្រទេសអ៊ុយក្រែន ដូចអ្វីដែលលោក ត្រាំ រំពឹងចង់បាន ដើម្បីឈានឆ្ពោះទៅរកកិច្ចព្រមព្រៀងសន្តិភាពជាអចិន្ត្រៃយ៍នោះឡើយ។ នេះបើយោងតាមការចុះផ្សាយរបស់ទីភ្នាក់ងារព័ត៌មានធំៗជាច្រើន។