#ប្រទេសថៃ

ប្រធានធនាគារប្រាក់សន្សំរាជរដ្ឋាភិបាលថៃ (GSB) លោក វីតៃ រតនាខន (Vitai Ratanakorn) បានបញ្ជាក់ថា ធនាគាររដ្ឋមួយនេះ កំពុងដាក់ឱ្យដំណើរការការផ្ដល់ប្រាក់កម្ចីដែលមានការប្រាក់ទាប និងមិនទាមទារវត្ថុបញ្ចាំឡើយ សម្រាប់ផ្ដល់ជូនប្រជាជនក្រីក្រ មានប្រាក់ចំណូលទាប ដើម្បីជួយឲ្យពួកគេអាចទទួលបានសាច់ប្រាក់ងាយស្រួលយកទៅប្រើប្រាស់ក្នុងជីវភាព ស្របពេលដែលស្ថានភាពរីករាលដាលកូវីដ១៩ និងតម្លៃប្រេងឥន្ធនៈឡើងថ្លៃ កំពុងចោទជាបញ្ហាជាច្រើនទៅលើសេដ្ឋកិច្ចថៃ។ នេះបើយោងតាមការចុះផ្សាយដោយសារព័ត៌មានបាងកកប៉ុស្តិ៍។