#រូបិយប័ណ្ណឌីជីថល

ឈានចូលដល់ដើមខែធ្នូ ភ្លាម ទីផ្សាររូបិយប័ណ្ណឌីជីថល ឬគ្រីបតូ បានដាំក្បាលចុះខ្លាំងនៅថ្ងៃទី១ ខែធ្នូ ឆ្នាំ២០២៥ ដែលធ្វើឱ្យបណ្ដាវិនិយោគិនសម្រុកលក់ចេញរូបិយប័ណ្ណឌីជីថលយ៉ាងគំហុក។ យោងតាមទិន្នន័យដែលប្រមូលចងក្រងដោយសារព័ត៌មានអន្តរជាតិ Bloomberg បង្ហាញថា Bitcoin ដែលជារូបិយប័ណ្ណឌីជីថលធំបំផុតរបស់ពិភពលោកបានធ្លាក់ថ្លៃខ្លាំងរហូតដល់ទៅ ៥,១% មកនៅក្រោម៨ម៉ឺន៧ពាន់ដុល្លារអាម៉េរិកក្នុង១កាក់នៅក្នុងការជួញដូរនាព្រឹកថ្ងៃចន្ទ សប្តាហ៍នេះ។ នេះបើយោងតាមការចុះផ្សាយរបស់សារព័ត៌មាន The Straits Times។