#រូបិយប័ណ្ណឌីជីថល

ទីផ្សាររូបិយប័ណ្ណឌីជីថល ឬគ្រីបតូ ត្រូវបានក្រុមអ្នកវិភាគព្យាករថា នឹងសម្រេចបានកំណើនរឹងមាំនៅឆ្នាំ២០២៥ នេះ ក្រោយបំបែកកំណត់ត្រាគួរឱ្យភ្ញាក់ផ្អើលក្នុងឆ្នាំ២០២៤។ តួយ៉ាង Bitcoin ដែលជារូបិយប័ណ្ណគ្រីបតូធំបំផុតរបស់ពិភពលោកបានហក់ឡើងថ្លៃរហូតដល់ទៅ១៦០% ស្ទើរមិនឱ្យជឿពី៤ម៉ឺនដុល្លារអាម៉េរិកក្នុងមួយកាក់ឈានរហូតដល់១០ម៉ឺន៧ពាន់ដុល្លារអាម៉េរិក ដោយសារកត្តាចម្បងមួយចំនួន ហើយកត្តាចម្បងមួយដ៏គួរឱ្យកត់សម្គាល់នោះ គឺការអនុម័តលើមូលនិធិជួញដូររូបិយប័ណ្ណឌីជីថល Bitcoin ETF។ នេះបើយោងតាមការចុះផ្សាយរបស់កាសែត The Nation។