#សម្ដេច ហ៊ុន សែន

សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា កត់សម្គាល់ឃើញថា នៅក្នុងរយៈពេល៤៥ឆ្នាំកន្លងទៅនេះ បន្ទាប់ពីទទួលបានជ័យជម្នះលើរបបប្រល័យពូជសាសន៍ ប៉ុល ពត កម្ពុជាសម្រេចបាននូវការផ្លាស់ប្តូរយ៉ាងជ្រាលជ្រៅពុំនឹកស្មានដល់ ជាពិសេសក្នុងរយៈពេល២៥ឆ្នាំចុងក្រោយនេះ បន្ទាប់ពីកម្ពុជាមានសន្តិភាពពេញលេញ។ ជាក់ស្ដែងកម្ពុជា ដែលពីមុនរួមរឹតដោយសង្គ្រាមមិនចេះចប់ និងជាទឹកដីនៃវាលពិឃាតដ៏យង់ឃ្នងបំផុត បានប្រែក្លាយទៅជាទឹកដីដ៏ស្រស់បំព្រងប្រកបដោយសន្តិភាព សេរីភាព ប្រជាធិបតេយ្យ និងនីតិរដ្ឋ ដែលប្រជាជនបានធ្វើជាម្ចាស់លើជោគវាសនារបស់ខ្លួន។