#សង្គ្រាមនៅអ៊ុយក្រែន

មន្ត្រីជាន់ខ្ពស់សេតវិមានអាមេរិកកាលពីថ្ងៃចន្ទដើមសប្តាហ៍នេះ បានអះអាងដោយជឿថា រុស្ស៊ីកំពុងងាកទៅរកអ៊ីរ៉ង់កាន់តែខ្លាំងហើយ ដើម្បីឲ្យអ៊ីរ៉ង់ផ្តល់ឱ្យខ្លួននូវយន្តហោះគ្មានមនុស្សបើក ឬត្រូវបានគេស្គាល់ថាដ្រូនដែលអាចបំពាក់សព្វាវុធ សម្រាប់ប្រើប្រាស់ក្នុងសង្គ្រាមដែលកំពុងបន្តធ្វើនៅក្នុងប្រទេសអ៊ុយក្រែន។ ប្រភពពីសេតវិមានថែមទាំងបានដឹងទៀតថា ដ្រូនដែលអ៊ីរ៉ង់គ្រោងផ្គត់ផ្គង់ដល់រុស្ស៊ីនោះ រួមមានទាំងដ្រូនស៊ើបការណ៍ និងយន្តហោះដ្រូនដែលបំពាក់អាវុធបានផងដែរ។ នេះបើតាមការរាយការណ៍ដោយទីភ្នាក់ងារព័ត៌មានរ៉យទ័រ។