#ដំឡូងមី

បើគ្មានការប្រែប្រួលទេ សហព័ន្ធដំឡូងមីកម្ពុជា ដែលមានកំណត់នៅក្នុងគោលនយោបាយជាតិ ស្ដីពីដំឡូងមី នឹងត្រូវបង្កើតឡើងនៅអំឡុងខែមិថុនា ឆ្នាំ២០២៤ ក្រោយគម្រោងនេះ ត្រូវបានអាក់ខានអស់រយៈពេលជាច្រើនឆ្នាំ ដោយសារវិបត្តិជំងឺកូវីដ-១៩។ មន្រ្តីជាន់ខ្ពស់ក្រសួងពាណិជ្ជកម្ម និងប្រធានសមាគមកសិករដំឡូងមីខ្មែរ ជឿជាក់ថា ក្រោយសហព័ន្ធនេះត្រូវបានបង្កើតឡើង វានឹងក្លាយជាផ្នែកមួយជួយដល់កសិករ និងជួយលើកកម្ពស់ដំណាំដំឡូងមីនៅកម្ពុជា ខណៈដំណាំនេះ ត្រូវបានរដ្ឋាភិបាលចាត់ទុកជាដំណាំយុទ្ធសាស្រ្តធំទីពីរបន្ទាប់ពីដំណាំស្រូវ។