#វិស័យទេសចរណ៍

កម្ពុជានឹងធ្វើជាម្ចាស់ផ្ទះក្នុងកិច្ចប្រជុំកំពូលអាស៊ានលើកទី៤០ និង៤១ ចាប់ពីថ្ងៃទី ១០-១៣ ខែវិច្ឆិកា ឆ្នាំ២០២២។ ក្នុងនាមកម្ពុជាធ្វើជាម្ចាស់ផ្ទះសម្រាប់កិច្ចប្រជុំកំពូលអាស៊ាននេះដែរ ត្រូវបានមន្ត្រីជាន់ខ្ពស់នៃក្រសួងទេសចរណ៍អះអាងថា វាគឺជាឱកាសដ៏កម្រសម្រាប់កម្ពុជាក្នុងការទាញយកផលប្រយោជន៍ជាច្រើនក្នុងការលើកកម្ពស់កិត្យានុភាពជាតិឲ្យកាន់តែមានភាពល្បីល្បាញថែមទៀតនៅលើឆាកអន្តរជាតិ និងក៏ដូចជាចូលរួមចំណែកជួយផ្សព្វផ្សាយអំពីគោលដៅទេសចរណ៍របស់កម្ពុជា សម្រាប់ទាក់ទាញភ្ញៀវទេសចរអន្តរជាតិមកកម្ពុជាផងដែរ។