#វិស័យទេសចរណ៍

នៅមួយរយៈចុងក្រោយនេះ គេសង្កេតឃើញថា មានព្រឹត្តិការណ៍ជាតិ និងអន្តរជាតិជាច្រើនត្រូវបានរៀបចំឡើងនៅក្នុងខេត្តសៀមរាប ស្របពេលរដ្ឋាភិបាលកម្ពុជា កំពុងអនុវត្តកម្មវិធីទស្សនាខេត្តសៀមរាប ឆ្នាំ២០២៤។ អ្នកជំនាញក្នុងវិស័យទេសចរណ៍ កត់សម្គាល់ឃើញថា តាមរយៈព្រឹត្តិការណ៍ទាំងនោះបានជំរុញ និងទាក់ទាញភ្ញៀវទេសចរជាតិ និងអន្តរជាតិ ឱ្យមកកម្សាន្តនៅក្នុងខេត្តសៀមរាបមានកំណើនវិជ្ជមានគួរឱ្យកត់សម្គាល់ ជាពិសេសនៅក្នុងខែវិច្ឆិកា កន្លងទៅនេះមានកំណើនភ្ញៀវទេសចរប្រហាក់ប្រហែលគ្នាទៅនឹងស្ថានភាពមុនពេលមានវិបត្តិកូវីដ-១៩។