#វិស័យទេសចរណ៍

ប្រធានសហព័ន្ធទេសចរណ៍កម្ពុជា បានគូសបញ្ជាក់ថា ក្រុមហ៊ុនទេសចរណ៍ឥណ្ឌា ចាប់ផ្តើមរៀបចំកញ្ចប់ទេសចរណ៍មកកម្ពុជាបណ្តើរៗហើយនៅពេលនេះ ដោយពួកគេមិនត្រឹមតែមកដើម្បីធ្វើទេសចរណ៍ប៉ុណ្ណោះទេ ថែមទាំងដើម្បីស្វែងរកឱកាសវិនិយោគលើវិស័យបដិសណ្ឋារកិច្ច និងទេសចរណ៍នៅកម្ពុជាផងដែរ។ យ៉ាងណាមិញ ក្រោយមានការតភ្ជាប់ជើងហោះហើរត្រង់កម្ពុជា-ឥណ្ឌានៅខែមិថុនា ខាងមុខនេះ ក្រុមអ្នកជំនាញរំពឹងថា កម្ពុជានឹងទទួលបានភ្ញៀវទេសចរឥណ្ឌាកាន់តែច្រើនថែមទៀត។