#វិស័យទេសចរណ៍

ខេត្តសៀមរាប គឺជាគោលដៅទេសចរណ៍ដ៏ទាក់ទាញ និងមានសុវត្ថិភាពមួយរបស់កម្ពុជា ដែលភ្ញៀវទេសចរអន្តរជាតិ តែងតែនិយមទៅលេងកម្សាន្តរមណីយដ្ឋានប្រវត្តិសាស្ត្រអង្គរ ដែលជាអច្ឆរិយសំណង់ដ៏អស្ចារ្យ និងជាសម្បត្តិបេតិកភណ្ឌពិភពលោកមួយដ៏ល្បីល្បាញ។ បើតាមការបញ្ជាក់របស់មន្ទីរទេសចរណ៍ខេត្តសៀមរាប នៅប៉ុន្មានថ្ងៃចុងក្រោយនេះតំបន់ទេសចរណ៍ប្រវត្តិសាស្ត្រអង្គរទទួលបានភ្ញៀវទេសចរអន្តរជាតិ មកលេងកម្សាន្តច្រើនគួរឱ្យកត់សម្គាល់ ជាពិសេសភ្ញៀវទេសចរជនជាតិឥណ្ឌា តែម្តង។