#វិស័យទេសចរណ៍

វិស័យទេសចរណ៍កម្ពុជា បានចាប់ផ្ដើមវិលទៅរកសកម្មភាពល្អប្រសើរដូចមុនពេលមិនទាន់មានវិបត្តិកូវីដ-១៩ វិញតាំងពីឆ្នាំ២០២៤ កន្លងទៅម្ល៉េះ នឹងបានបន្តរក្សាកំណើនវិជ្ជមានជាបន្តបន្ទាប់រហូតដល់ពាក់កណ្តាលឆ្នាំ២០២៥ នេះ។ តែយ៉ាងណា អ្នកជំនាញក្នុងវិស័យទេសចរណ៍កម្ពុជា បានវាយតម្លៃថា ចរន្តភ្ញៀវទេសចរបរទេសដែលចូលមកកម្សាន្តនៅកម្ពុជា នៅពេញមួយឆ្នាំ២០២៥ នេះ ទំនងមិនអាចសម្រេចបានតាមផែនការរំពឹងទុកក្នុងរង្វង់ជាង៧លាននាក់បាននោះទេ ប្រសិនបើបញ្ហាជម្លោះព្រំដែនរវាងកម្ពុជា និងថៃ នៅតែបន្តអូសបន្លាយពេលយូរ។