#វិស័យកាត់ដេរ

ទោះបីសេដ្ឋកិច្ចសកលរួមទាំងកម្ពុជា បន្តស្ថិតក្នុងភាពមិនប្រាកដប្រជាកាន់តែខ្ពស់យ៉ាងណាក្តី តែមន្ត្រី និងអ្នកជំនាញក្នុងវិស័យឧស្សាហកម្ម អះអាងថា ការបញ្ជាទិញ និងការនាំចេញផលិតផលក្នុងវិស័យកាត់ដេររបស់កម្ពុជា នៅដើមឆ្នាំ២០២៥ នេះ នៅតែបង្ហាញកំណើនខ្ពស់គួរឱ្យកត់សម្គាល់ បើធៀបនឹងរយៈពេលដូចគ្នាកាលពីឆ្នាំមុន។ កំណើននៃការបញ្ជាទិញនេះ បានធ្វើឱ្យរោងចក្រមួយចំនួនកំពុងប្រឈមនឹងបញ្ហាកង្វះកម្លាំងពលកម្ម ដែលជំរុញរោងចក្រទាំងនោះបង្កើនការធ្វើការបន្ថែមម៉ោងកាន់តែច្រើនដល់កម្មករ និយោជិត។