#វិស័យកសិកម្ម

ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខប្រមាញ់ និងនេសាទ កត់សម្គាល់ឃើញថា នៅមួយរយៈចុងក្រោយនេះ ពលរដ្ឋមួយចំនួនសម្លឹងមើលឃើញថា ក្រសួងកសិកម្មបានផ្តោតការយកចិត្តទុកដាក់លើការងារសហគមន៍ច្រើនជាងបញ្ហាស្រូវធ្លាក់ថ្លៃ។ ឆ្លើយតបនឹងបញ្ហានេះ មន្ត្រីជាន់ខ្ពស់រូបនេះបានបកស្រាយថា សហគមន៍កសិកម្មទំនើបជាដំណោះស្រាយ មិនមែនជាការងារដាច់ដោយឡែកនោះទេ ទោះបីវាមិនអាចដោះស្រាយបានភ្លាមៗ ក៏គង់ជួយដោះស្រាយក្នុងរដូវកាលក្រោយៗទៀតដែរ។