#វិស័យកសិកម្ម

មកទល់ពេលនេះទីផ្សារដំឡូងមីមិនទាន់មានភាពល្អប្រសើរឡើងវិញនៅឡើយទេ ដែលបញ្ហានេះកំពុងបង្កជាក្ដីបារម្ភដល់កសិករ ដែលប្រកបមុខរបរដាំដុះដំណាំមួយនេះ។ បច្ចុប្បន្នតម្លៃដំឡូងមីស្រស់ ត្រូវបានឈ្មួញប្រមូលទិញដោយឱ្យតម្លៃជាង១០០រៀលក្នុង១គីឡូក្រាមតែប៉ុណ្ណោះ ដែលជាតម្លៃមួយទាបអាចធ្វើឱ្យកសិករប្រឈមនឹងការខាតឡុងចុង។ ស្របពេលតម្លៃដំបូងមីកំពុងដាំក្បាលចុះខ្លាំង អ្នកជំនាញលើកទឹកចិត្តដល់កសិករដាំដំឡូងមី ដែលមានលទ្ធភាពកាប់ដំឡូងមីហាលស្តុកទុករង់ចាំលក់នៅពេលក្រោយ ក្រែងលទទួលបានប្រាក់ចំណេញខ្លះ។