#វិស័យអាកាសចរណ៍

មន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា គិតត្រឹមដើមខែវិច្ឆិកា ឆ្នាំ២០២៤ ការសាងសង់អាកាសយានដ្ឋានអន្តរជាតិ តេជោ ដែលមានតម្លៃវិនិយោគប្រមាណ១ពាន់៥រយលានដុល្លារអាម៉េរិក សម្រេចបានការសាងសង់ប្រមាណជាង៩០%ហើយ និងគ្រោងសម្ពោធដាក់ឱ្យដំណើរការដំណាក់កាលទី១ នៅពាក់កណ្ដាលឆ្នាំ២០២៥ ខាងមុខ។ អាកាសយានដ្ឋានអន្តរជាតិ ថ្មីនេះ ត្រូវបានរំពឹងថា នឹងចូលរួមចំណែកយ៉ាងសំខាន់នៅក្នុងការតភ្ជាប់ការដឹកជញ្ជូនតាមផ្លូវអាកាសរបស់កម្ពុជា ទៅកាន់ទីផ្សារក្នុងតំបន់ និងពិភពលោក។