#វិស័យអាកាសចរណ៍

បើគ្មានការប្រែប្រួលទេ ក្រុមហ៊ុនអាកាសចរណ៍ IndiGo របស់ឥណ្ឌានឹងចាប់ផ្តើមជើងហោះហើរត្រង់៣ជើងក្នុង១សប្តាហ៍រវាងទីក្រុង កុលកាតា-សៀមរាប-សៀមរាប-កុលកាតា នៅអំឡុងខែកុម្ភៈ ឆ្នាំ២០២៥ ខាងមុខនេះ ក្រោយក្រុមហ៊ុននេះបានពន្យាពេលការហោះហើររបស់ខ្លួន ដែលគ្រោងធ្វើឡើងនៅចុងឆ្នាំនេះ។ គម្រោងហោះហើរត្រង់នេះនឹងប្រើយន្តហោះប្រភេទ A320។មន្រ្តីជាន់ខ្ពស់នៃអាកាសចរណ៍ស៊ីវិល និងក្រុមអ្នកជំនាញក្នុងវិស័យទេសចរណ៍ជឿជាក់ថា តាមរយៈភ្ជាប់ជើងហោះហើរនេះ វានឹងក្លាយជាឱកាសសម្រាប់កម្ពុជា ក្នុងការទាក់ទាញភ្ញៀវទេសចរណ៍ឥណ្ឌាឱ្យមកកម្សាន្តនៅកម្ពុជា បន្ថែមទៀត។