#WTO

នៅទីបំផុត កិច្ចប្រជុំដ៏ចម្រូងចម្រាសរបស់អង្គការពាណិជ្ជកម្មពិភពលោក ដែលប្រទេសជាសមាជិកទាំង ១៦៤ ប្រទេស បានឈានដល់ការអនុម័តយល់ព្រមលើកិច្ចព្រមព្រៀងមួយចំនួនហើយ នៅពេលព្រឹកថ្ងៃ សុក្រ ទី ១៧ ខែ មិថុនានេះ ដោយក្នុងនោះរួមមានការអនុម័តលើ ការប្តេជ្ញាចិត្តទាក់ទងនឹងការនេសាទ និងការសន្យាពាក់ព័ន្ធនឹងបញ្ហាសុខាភិបាល និងសន្ដិសុខស្បៀងអាហារជាដើម ។ ទម្រាំឈានដល់ការអនុម័តបាននូវកិច្ចព្រមព្រៀងទាំងនេះ ការចរចាត្រូវបានធ្វើឡើងយ៉ាងស្វិតស្វាញ និងអូសបន្លាយពេលដល់ទៅ៧ថ្ងៃឯណោះ។ នេះបើតាមការចុះផ្សាយសារព័ត៌មាន Reuters។