ហ៊ុន គន្ធថៃ

បន្ទាប់ពីរឹបអូសបានមួយថ្ងៃ ក្រុមហ៊ូធីរបស់យេម៉ែន ដែលមានអ៊ីរ៉ង់នៅពីក្រោយបានចេញផ្សាយវីដេអូមួយបង្ហាញពីកម្លាំងប្រដាប់អាវុធចុះពីឧទ្ធម្ភាគចក្រ និងរឹបអូសកប៉ាល់ដឹកទំនិញនៅសមុទ្រក្រហមភាគខាងត្បូង ដែលជាកប៉ាល់របស់ជប៉ុន។ សហរដ្ឋអាម៉េរិកក្រោយបានទទួលដំណឹងនេះ បានបរិហារការរឹបអូសនាវានេះថា ជាការបំពានច្បាប់អន្តរជាតិ ហើយបានទាមទារឱ្យក្រុមហ៊ូធី ដោះលែងកប៉ាល់ និងនាវិកជាបន្ទាន់។ ទោះជាយ៉ាងណា ក្រុមហ៊ូធី បានចោទអ៊ីស្រាអែលជាអ្នកប្រតិបត្តិការកប៉ាល់នោះ ខណៈអ៊ីស្រាអែលបដិសេធ។ នេះបើតាមការចុះផ្សាយដោយសារព័ត៌មានអន្តរជាតិធំៗ។