​ ខេមបូណូមីស

សហរដ្ឋអាម៉េរិក ត្រូវបានទទួលស្គាល់ជាសកលថា ជាមហាអំណាចធំបំផុតទី១ របស់ពិភពលោកទាំងផ្នែកយោធា និងសេដ្ឋកិច្ច ហើយច្បាស់ណាស់ថា ពលរដ្ឋនៃប្រទេសមហាអំណាច និងជាបិតាប្រជាធិបតេយ្យពិភពលោកមួយនេះ មុខជារស់នៅសុខស្រួលដោយភាពស៊ីវិល័យ ថ្លៃថ្នូរ សម្បូរសប្បាយ ផ្ទះធំខ្ពស់។ តែយ៉ាងណា ការស្ទង់មតិរបស់សារព័ត៌មានដ៏ល្បីល្បាញ CNN ដែលចេញផ្សាយកាលពីថ្ងៃទី២៩ ខែកក្កដា បានបង្ហាញគួរឱ្យភ្ញាក់ផ្អើលថា រហូតដល់ទៅជាង៨០%នៃពលរដ្ឋអាម៉េរិក ដែលបច្ចុប្បន្នជួលផ្ទះគេរស់នៅនិយាយថា ពួកគេគ្មានលទ្ធភាពទិញផ្ទះសម្រាប់រស់នៅនោះឡើយ។