​ ខេមបូណូមីស

គយចិន បានអនុញ្ញាតឱ្យកម្ពុជា នាំចេញសំបុកត្រចៀកកាំទៅទីផ្សារចិន ក្រោមលក្ខខណ្ឌដែលបានចុះហត្ថលេខាលើពិធីសារនាពេលកន្លងទៅ។ អ្នកជំនាញជឿជាក់ថា តាមរយៈការទទួលបានភ្លើងខៀវពីគយចិននេះ វានឹងរួមចំណែកជួយធ្វើឱ្យទីផ្សារ និងតម្លៃសំបុកត្រចៀកកាំរបស់កម្ពុជា មានភាពល្អប្រសើរមួយកម្រិតទៀត ជាពិសេសជួយស្រូបទាញការវិនិយោគលើការកែច្នៃសំបុកត្រចៀកកាំឱ្យបានកាន់តែច្រើនថែមទៀត។ បច្ចុប្បន្នការចិញ្ចឹមត្រចៀកកាំនៅកម្ពុជា អាចមានក្នុងរង្វង់ពី៥ ទៅ៧ពាន់ខ្នងអគារ ដែលអាចផ្តល់ផលទឹកមាត់ត្រចៀកកាំបានប្រមាណ១០០តោនក្នុង១ឆ្នាំ។