​ ខេមបូណូមីស

រដ្ឋមន្ត្រីជាន់ខ្ពស់របស់ឥណ្ឌូនេស៊ីមួយរូបបាននិយាយកាលពីថ្ងៃពុធថា ប្រទេសឥណ្ឌូនេស៊ីមានបំណងចូលជាសមាជិកអង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD) មានមូលដ្ឋាននៅទីក្រុងប៉ារីស ក្នុងរយៈពេលពីរបីឆ្នាំទៀត។ ឥណ្ឌូនេស៊ីសង្ឃឹមថា ក្រោយក្លាយជាសមាជិករបស់អង្គការនេះ ខ្លួននឹងអាចទាក់ទាញការវិនិយោគ និងកិច្ចព្រមព្រៀងពាណិជ្ជកម្មកាន់តែច្រើន។ នេះបើតាមការចេញផ្សាយរបស់សារព័ត៌មានធំៗជាច្រើន។