​ ខេមបូណូមីស

អ្នកជំនាញបានបង្ហាញក្ដីបារម្ភចំពោះជនបរទេស ដែលកំពុងដណ្ដើមមុខរបរនិងអាជីវកម្មតូចតាចជាច្រើនទៀត ដែលជាមុខរបរប្រពៃណីរបស់ពលរដ្ឋខ្មែរជាយូរយារណាស់មកហើយ។ មុខរបររត់ម៉ូតូឌុប បើកបរតាក់ស៊ី ដែលស្ថិតក្នុងសេដ្ឋកិច្ចក្រៅប្រព័ន្ធ ត្រូវបានអ្នកជំនាញកត់សម្គាល់ថា កំពុងមានបញ្ហាប្រឈមខ្លាំងឡើងៗ និងធ្វើឱ្យអ្នកប្រកបរបរទាំងនេះបាត់បង់ប្រាក់ចំណូលជាបន្តបន្ទាប់ ដោយសារតែការដណ្ដើមយកពីជនបរទេស និងមិនមានការទប់ស្កាត់ទាន់ពេលពីអាជ្ញាធរ។