មង្គល ចាន់

នៅរយៈពេលចុងក្រោយនេះ បញ្ហាតម្លៃស្វាយធ្លាក់ថ្លៃ មិនមានអ្នកទិញ បានក្លាយជារឿងក្ដៅមួយ ដោយមានកសិករម្ចាស់ចម្ការស្វាយមួយចំនួនបានផុសត្អូញត្អែរនៅតាមហ្វេសប៊ុក។ យ៉ាងណាមិញ លោកឧកញ៉ា ម៉ុង ឫទ្ធី ដែលគេចាត់ទុកជាសហគ្រិនកសិកម្មដ៏លេចធ្លោមួយរូបនៅកម្ពុជា ក៏បានលើកឡើងមិនខុសពីម្ចាស់ចម្ការស្វាយមួយចំនួនទៀតដែរ ដោយបានបញ្ជាក់ថា តាំងពីមានបញ្ហាកូវីដ-១៩ កើតឡើងមកការនាំចេញស្វាយរបស់លោកត្រូវបានជាប់គាំង ខណៈដែលទីផ្សារក្នុងស្រុកក៏គ្មានអ្នកទិញទៀត ដែលបានធ្វើឲ្យស្វាយរបស់​លោក​ប្រមាណ​៦០០តោន ត្រូវទុំជោរ ជ្រុះចោល​នៅក្រោមដើម។