មង្គល ចាន់

ប្រទេស និងដែនដីចំនួន ១៣៦ ដែលតំណាងឲ្យជាង៩០% នៃផលិតផលក្នុងស្រុកសរុបរបស់ពិភពលោក បានព្រមព្រៀងគ្នាកាលនៅសប្ដាហ៍មុននេះ ដោយនឹងកំណត់យកពន្ធសាជីវកម្មសកល ក្នុងអត្រាអប្បបរមា ១៥% ចាប់ពីឆ្នាំ២០២៣តទៅ ហើយកិច្ចព្រមព្រៀងសកលមួយនេះ ក៏អនុញ្ញាតឲ្យរដ្ឋាភិបាលនៃប្រទេសនីមួយៗ អាចប្រមូលយកពន្ធ ពីក្រុមហ៊ុនសហគ្រាសអន្តរជាតិធំៗ ដែលផ្ដល់សេវាកម្មនៅក្នុងប្រទេសរបស់ខ្លួន បើទោះបីជា ក្រុមហ៊ុនទាំងនោះ មិនមានវត្តមានការិយាល័យតំណាងនៅក្នុងប្រទេសទាំងនោះក៏ដោយ។ នេះបើតាមការរាយការណ៍ដោយសារព័ត៌មានជប៉ុន Nikkei។