មង្គល ចាន់

ក្រុមហ៊ុនបច្ចេកវិទ្យាយក្សរបស់ចិន Tencent ដែលមានបុរសខ្លាំងមួយរូបនៅពីក្រោយ គឺលោកម៉ា ហួតេង (Ma Huateng) មហាសេដ្ឋីល្បីឈ្មោះប្រចាំប្រទេសចិន គ្រោងនឹងទិញយកក្រុមហ៊ុនផលិតហ្គេមដ៏ធំមួយរបស់អង់គ្លេសឈ្មោះ Sumo ក្នុងតម្លៃទឹកប្រាក់ជិត១ពាន់៣រយលានដុល្លារអាមេរិក។ គម្រោងទិញយកក្រុមហ៊ុនហ្គេមរបស់អង់គ្លេសនេះ ធ្វើឡើងនៅគ្រាដែលកូវីដ-១៩កំពុងរាតត្បាតខ្លាំង ដែលមនុស្សត្រូវបង្ខំចិត្តស្នាក់នៅផ្ទះ មិនសូវដើរហើរចេញក្រៅ ដែលវាបានធ្វើឲ្យតម្រូវការលេងហ្គេមកម្សាន្ដនៅលើអនឡាញកំពុងកើនឡើងកាន់តែខ្លាំង។