មង្គល ចាន់

សម្តេច ហ៊ុន សែន នាយករដ្ឋមន្ត្រី នៃកម្ពុជា នៅព្រឹកថ្ងៃទី ១៥ ខែធ្នូ ឆ្នាំ២០២០នេះ បានប្រកាសថា នៅរយៈពេលដំបូងនេះ កម្ពុជានឹងទិញវ៉ាក់សាំងសម្រាប់ចាក់ជូនប្រជាជន១៣ លាននាក់ ស្មើនឹង៨០% នៃ ចំនួនប្រជាជនសរុប មិនមែន១០លាននាក់ដូចការលើកឡើងកាលពីមុននោះទេ។ ការអះអាងបែបនេះ គឺស្របពេលដែលថវិកាដែលបានមកពីសប្បុរសជន, ដៃគូអភិវឌ្ឍន៍ និងថវិកាដែលរាជរដ្ឋាភិបាលបម្រុងទុកនោះ គឺមានរាប់រយលានដុល្លារអាមេរិករួចទៅហើយ។