ខន ណារី

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រកាសយ៉ាងច្បាស់ៗថា កម្ពុជាមិនមានបំណងជម្លៀសប្រជាជនកម្ពុជា ចំនួន២៣គ្រួសារ ដែលកំពុងរស់នៅក្នុងប្រទេសអ៊ុយក្រែនមកកាន់មាតុភូមិវិញនោះឡើយ។ សម្តេចតេជោ ក៏បានអំពាវនាវដល់ប្រជាពលរដ្ឋកម្ពុជា ដែលកំពុងស្នាក់នៅទីនោះទាំងអស់ បន្តរស់នៅទីនោះ និងរួមសុខ រួមទុក្ខ ជាមួយប្រជាជនអ៊ុយក្រែន ក្នុងកាលៈទេសៈដ៏លំបាកនេះ។ ការថ្លែងបញ្ជាក់របស់សម្តេចបែបនេះ បានធ្វើឡើងនាឱកាសសម្ដេចអញ្ជើញសម្ពោធដាក់ឲ្យប្រើប្រាស់មន្ទីរពេទ្យមិត្តភាពកម្ពុជា-ចិន ព្រះកុសុមៈ នៅថ្ងៃទី២១ ខែមីនា ឆ្នាំ២០២២។