ខន ណារី

បន្ទាប់ពីខកខានរៀបចំប្រារព្ធពិធីបុណ្យចូលឆ្នាំប្រពៃណីជាតិខ្មែរអស់រយៈពេល២ឆ្នាំ ដោយសារតែការរំខាននៃជំងឺកូវីដ-១៩ នៅឆ្នាំនេះ ប្រមុខរាជរដ្ឋាភិបាលកម្ពុជា បានសម្រេចប្រកាសឲ្យប្រារព្ធពិធីបុណ្យចូលឆ្នាំប្រពៃណីខ្មែរដូចធម្មតាឡើងវិញ។ ទន្ទឹមនឹងការរៀបចំពិធីបុណ្យចូលឆ្នាំថ្មីនេះដែរ សម្ដេចតេជោ ហ៊ុន សែន ក៏បានបង្ហាញពីការព្រួយបារម្ភខ្លះៗដែរ អំពីបញ្ហាប្រេងសាំងឡើងថ្លៃនាពេលបច្ចុប្បន្ន ដោយសារសង្គ្រាមរវាងរុស្សី និងអ៊ុយក្រែន ដែលវាអាចនឹងជះឥទ្ធិពលដល់ការធ្វើដំណើររបស់ប្រជាពលរដ្ឋខ្មែរ នាឱកាសបុណ្យចូលឆ្នាំថ្មី ប្រពៃណីជាតិខ្មែរ។