សោម ស្រីពេជ្រ

រាជរដ្ឋាភិបាលកម្ពុជា និងរដ្ឋាភិបាលចិន បានកំណត់យកឆ្នាំ២០២៤ ជាឆ្នាំនៃការផ្លាស់ប្ដូរប្រជាជននិងប្រជាជនកម្ពុជា-ចិន ដោយពិធីបើកជាផ្លូវការនូវព្រឹត្តិការណ៍នេះ នឹងប្រារព្ធធ្វើឡើងនៅល្ងាចថ្ងៃទី១៣ ខែមករា ឆ្នាំ២០២៤ ស្អែកនេះ នៅព្រះលានជល់ដំរី ខេត្តសៀមរាប។ អ្នកនាំពាក្យនៃក្រសួងទេសចរណ៍រំពឹងថា តាមរយៈការកំណត់យកឆ្នាំ២០២៤ ជាឆ្នាំនៃការផ្លាស់ប្ដូរប្រជាជននិងប្រជាជនកម្ពុជា-ចិននេះ វិស័យទេសចរណ៍កម្ពុជានឹងកាន់តែមានភាពល្អប្រសើរមួយកម្រិតថែមទៀត ដ្បិតថា កម្ពុជានឹងអាចទទួលបានភ្ញៀវទេសចរជនជាតិចិនមកកម្សាន្តកាន់តែកើនឡើងនៅឆ្នាំនេះ។