សោម ស្រីពេជ្រ

កម្ពុជា-វៀតណាម បានឯកភាពគ្នាបើកដំណើរការជើងហោះហើរត្រង់ពីរដ្ឋធានីហាណូយមកកាន់ខេត្តសៀមរាប ជាផ្លូវការហើយ នៅថ្ងៃទី១២ ខែធ្នូ ឆ្នាំ២០២៣នេះ។ អ្នកជំនាញក្នុងវិស័យទេសចរណ៍បានបង្ហាញសុទិដ្ឋិនិយមខ្ពស់ចំពោះការតភ្ជាប់ជើងហោះហើរនេះក្នុងការជួយធ្វើឱ្យប្រសើរឡើងនូវវិស័យទេសចរណ៍កម្ពុជា។ រំពឹងខ្ពស់ក៏ដោយសារទីក្រុងហាណូយមិនត្រឹមតែជាទីផ្សារទេសចរណ៍ដ៏ធំនៅតំបន់អាស៊ាននោះទេ តែជាទីផ្សារទេសចរណ៍ដ៏ធំសម្រាប់ពិភពលោក។