សោម ស្រីពេជ្រ

ដំណាំលម៉ើ ជាដំណាំផ្លែឈើមួយប្រភេទ ដែលមានតម្លៃខ្ពស់គួរសមបើធៀបនឹងផ្លែឈើ ហូបផ្លែដទៃទៀត ប៉ុន្ដែការដាំដុះដំណាំនេះនៅកម្ពុជា ហាក់មិនសម្បូរច្រើននោះទេ។ បើតាមការបញ្ជាក់របស់អ្នកគ្រប់គ្រងចម្ការលម៉ើធំមួយបានអះអាងប្រាប់ខេមបូណូមីសថា ស្ថានភាពតម្លៃ និងទីផ្សារលម៉ើក្នុងស្រុកនៅឆ្នាំនេះ ហាក់មិនសូវមានការប្រែប្រួលច្រើននោះទេ បើធៀបនឹងឆ្នាំមុនៗ ប៉ុន្តែដោយសារសម្ទុះនៃលម៉ើនាំចូលមានបរិមាណច្រើន ក៏បានធ្វើឱ្យការលក់លម៉ើដាំនៅក្នុងស្រុកហាក់មានការពិបាកលក់ជាងឆ្នាំមុនបន្តិចផងដែរ ដ្បិតតម្លៃលម៉ើនាំចូលមានតម្លៃទាបជាងលម៉ើដាំក្នុងស្រុក។