សឿន វណ្ណឌេត

អ្នកជំនាញនៅក្នុងវិស័យទេសចរណ៍កម្ពុជាអះអាងថា នៅមួយរយៈពេលចុងក្រោយមកនេះ ពោលគឺបន្ទាប់ពីរាជរដ្ឋាភិបាលបានបើកឲ្យមានការបើកតំបន់ទេសចរណ៍ ក៏ដូចជារមណីយដ្ឋានទេសចរណ៍ឡើងវិញ វិស័យទេសចរណ៍កម្ពុជាហាក់មានការរើបខ្លួនឡើងវិញបន្តិចហើយ ប៉ុន្ដែ ការរើបឡើងនេះ គឺនៅតែមានការចូលរួមបានតិចតួចប៉ុណ្ណោះ ក្នុងការឈានទៅស្ដារវិស័យទេសចរណ៍ទាំងមូលឲ្យមានភាពប្រសើរឡើងវិញ។ ការចូលរួមស្ដារវិស័យទេសចរណ៍នៅមិនទាន់មានសម្ទុះខ្លាំង ក៏ដោយសារថា កម្ពុជានៅតែបន្ដពឹងលើភ្ញៀវទេសចរក្នុងស្រុក ខណៈភ្ញៀវទេសចរអន្តរជាតិនៅមិនទាន់​បើកឲ្យចូលនៅឡើយទេ។