សឿន វណ្ណឌេត

សហរដ្ឋអាមេរិកក្រោមរដ្ឋបាលប្រធានាធិបតី ចូ បៃឌិន មានគម្រោងនឹងបរិច្ចាគវ៉ាក់សាំងកូវីដ-១៩ដែលខ្លួនផលិត ប្រភេទ Pfizer/BioNTech ទៅឲ្យប្រទេសក្រីក្រប្រមាណជិត១០០ប្រទេសនៅជុំវិញពិភពលោក សម្រាប់រយៈពេលពីរឆ្នាំខាងមុខនេះ។ សហរដ្ឋអាមេរិកមានបំណងចង់ចែកចាយវ៉ាក់សាំងសរុបចំនួន ២០០លានដូសក្នុងឆ្នាំនេះ ហើយប្រមាណ៣០០លានដូសទៀតនៅពាក់កណ្តាលឆ្នាំក្រោយ ទៅឲ្យប្រទេសដែលមានប្រាក់ចំណូលទាប ឬនិយាយអោយចំទៅ គឺប្រទេសក្រីក្រចំនួន ៩២ប្រទេស បូករួមនឹងក្រុមប្រទេសនៅទ្វីបអាហ្រ្វិកផងដែរ។ នេះបើតាមចុះផ្សាយដោយទីភ្នាក់ងារសារព័ត៌មាន Reuters ។