វិភាគសេដ្ឋកិច្ច

បន្ទាប់ពីមាន​សន្ទុះ​កំណើន​យ៉ាងគំហុក ដោយសារតែមានលំហូរនៃវិនិយោគិន ចូលមករកស៊ី និងស្នាក់នៅខេត្តព្រះសីហនុ ឥឡូវនេះ ទីផ្សារ​អចលនទ្រព្យ​ក្នុងខេត្ត​ជាប់សមុទ្រ​មួយនេះ បាននិងកំពុង​បង្ហាញ​ពីការធ្លាក់ចុះ​ខ្លាំង។ ពិសេសគឺអ្នកមានផ្ទះជួល ឬអគារជួលបាននិងកំពុងចាប់ផ្ដើមរងទុក្ខ ជាបណ្ដើរៗ ដោយសារតែតម្លៃជួលធ្លាក់ចុះ និងលែងមានភ្ញៀវចិនជួលច្រើនដូចមុនទៀត។ ម្ចាស់អគារជួលខ្លះ អះអាងថា ផ្ទះពួកគេគាត់ដែលធ្លាប់ជួលបានជាង ១ម៉ឺនដុល្លារ ទៅ២ម៉ឺនដុល្លារ ក្នុងមួយខែ ឥឡូវនៅជួលបានត្រឹមតែប្រមាណ ៥.០០០ ដុល្លារប៉ុណ្ណោះ។