តើ​អ្នក​ដឹងទេ?

រាជរដ្ឋាភិបាលកម្ពុជាបានសម្រេចកាត់ដី ៨០០ហិកតានៅតំបន់ភ្នំតាម៉ៅ ទៅឲ្យក្រុមហ៊ុន ខ្មែរ ហ្វ្រេស មីល ឯ.ក(Khmer Fresh Milk) ដើម្បីអភិវឌ្ឍន៍ ដោយរាជរដ្ឋាភិបាលទទួលបានដីមកវិញជាង១ពាន់ហិកតានៅតំបន់ផ្សេង។ ជាមួយគ្នានេះ រដ្ឋាភិបាល បានអនុញ្ញាតផ្ទេរកម្មសិទ្ធិឲ្យក្រុមហ៊ុន និងដៃគូសហការមុនធ្វើការអភិវឌ្ឍន៍ ព្រមទាំងទទួលបន្ទុកលើការបង់ពន្ធប្រថាប់ត្រា។ នេះបើតាមលិខិតរបស់ទីស្តីការគណៈរដ្ឋមន្ត្រី ដែលចុះហត្ថលេខាដោយឯកឧត្តម ខូយ ឃុនហ៊ួរ រដ្ឋលេខាធិការទីស្តីការគណៈរដ្ឋមន្ត្រី កាលពីថ្ងៃទី១៤ មករា ឆ្នាំ២០២២។