Featured

ដ្បិតតែកម្ពុជា ជាប្រទេសមួយតូច ដែលធ្លាប់ស្ថិតនៅក្នុងនាមជាប្រទេសក្រីក្រតោកយ៉ាក និងបច្ចុប្បន្ន បានវិវឌ្ឍខ្លួនមកជាប្រទេសមានចំណូលមធ្យមកម្រិតទាប មិនទាន់មានការអភិវឌ្ឍខ្លាំងក្លាដូចបណ្ដាប្រទេសជឿនលឿនផ្សេងទៀតក៏ដោយ ប៉ុន្ដែ បើនិយាយពីចំនួនឧកញ៉ា និងសេដ្ឋីដែលមានទ្រព្យមហាសាល ក៏មានច្រើនគួរសមដែរ។ តាមការកត់សម្គាល់ផ្ទាល់ខ្លួន ពីសារព័ត៌មាន ខេមបូណូមីស យើងសូម ជ្រើសយកកំពូលមហាសេដ្ឋីមួយរូបរបស់កម្ពុជា ដែលមានសកម្មភាពជំនួញលេចធ្លោជាងគេ ក្នុងឆ្នាំ២០១៨នេះ។ នោះ គឺឯកឧត្តម អ្នកឧកញ៉ា លី យ៉ុងផាត់ អគ្គនាយកក្រុមហ៊ុន LYP Group។