ព័ត៌មាន

មន្ត្រី និងក្រុមអ្នកជំនាញសេដ្ឋកិច្ច និងអ្នកតាមដានស្ថានការណ៍សង្គមអំពាវនាវយ៉ាងទទូចដល់ប្រជាពលរដ្ឋកុំឱ្យមានការជ្រួលច្របល់សម្រុកទៅទិញប្រេងសាំងស្តុកទុកតាមផ្ទះ ព្រោះបើតាមការអះអាងរបស់ថ្នាក់ដឹកនាំក្រសួងរ៉ែ និងថាមពល គ្មានសញ្ញាណាមួយបង្ហាញពីការខ្វះខាតប្រេងសម្រាប់ប្រើប្រាស់នៅកម្ពុជានោះទេ។ ការសម្រុកទៅទិញប្រេងស្តុកទុករបស់ពលរដ្ឋមួយចំនួន មិនត្រឹមតែបង្កឱ្យមានអស្ថិរភាពតម្លៃ និងរាំងស្ទះដល់ចរន្តផ្គត់ផ្គង់ប្រេងទូទាំងប្រទេសប៉ុណ្ណោះទេ ថែមទាំងអាចបង្កជាគ្រោះអគ្គិភ័យទៀតផង។