ព័ត៌មាន

អ្នកឧកញ៉ា ម៉ុង ឫទ្ធី មហាសេដ្ឋីកសិកម្ម និងជាអ្នកដាំដុះ និងនាំចេញដូងប្រេងដ៏ធំជាងគេនៅកម្ពុជា បានសម្រេចកាប់ដើមដូងប្រេងចាស់ចោល និងដាំដុះឡើងវិញលើផ្ទៃដី៥០០ហិកតានៅក្នុងខេត្តព្រះសីហនុ បន្ទាប់ពីដើមដូងប្រេងទាំងនោះមានអាយុកាលចាស់ និងចាប់ផ្ដើមថយទិន្នផល។ បើតាមការអះអាងរបស់មហាសេដ្ឋីកសិកម្មរូបនេះ ការកាប់ចោលដើមដូងប្រេងប្រមាណ៥០០ហិកតានេះ គឺពុំបានធ្វើឱ្យប៉ះពាល់ដល់ការផលិតនិងនាំចេញដូងប្រេងរបស់កម្ពុជាទៅកាន់ទីផ្សារអន្តរជាតិ នោះទេ ដ្បិតថាផ្ទៃដីដែលត្រូវបានកាប់ចោលនេះមានទំហំតិចតួចប៉ុណ្ណោះនៃផ្ទៃដីឱ្យផលសរុបប្រមាណជិត២ម៉ឺនហិកតា។