ព័ត៌មាន

សហរដ្ឋអាម៉េរិក បាន​ចាប់ផ្តើមចុះធ្វើអធិការកិច្ចត្រួតពិនិត្យរោងចក្រ ដែលមានទំនាក់ទំនងជាមួយក្រុមហ៊ុនចិន​ មានមូលដ្ឋាននៅប្រទេសវៀតណាម ដែល​បង្កការព្រួយបារម្ភថា ទីក្រុងវ៉ាស៊ីនតោន អាចនឹងដាក់ពន្ធគយថ្មីបន្ថែមធ្ងន់កលើទំនិញនាំចេញពីវៀតណាម។ ការស៊ើបអង្កេត​នេះ​ផ្តោតលើការ​ត្រួត​ពិនិត្យ​មើល​ថា តើទំនិញចិន ត្រូវបានដាក់ស្លាកឡើងវិញជាផលិតនៅវៀតណាម ដើម្បីបន្លំភ្នែកគេចពន្ធអាម៉េរិក ឬយ៉ាងណា ព្រមទាំងពិនិត្យ​មើល​ការរំលោភលើកម្មសិទ្ធិបញ្ញាផងដែរ។