ការអំពាវនាវដូច្នេះ ក៏ដោយសារតែក្រុមអ្នកការពារលទ្ធិប្រជាធិបតេយ្យនៅភូមាបានមើលឃើញថា របបសឹកភូមាអាចទទួលបានប្រាក់ជាច្រើនពាន់លានដុល្លារក្នុងមួយឆ្នាំៗ យកទៅទំនុកបម្រុងរបបយោធាផ្តាច់ការរបស់ខ្លួន។
ជាមួយគ្នានេះ ក្រុមអង្គការសង្គមស៊ីវិលជាង ៤០០ស្ថាប័ន នៅក្នុងប្រទេសភូមាក៏បានអំពាវនាវ ឲ្យបញ្ឈប់ជាបន្ទាន់នូវការបង់ប្រាក់ចំណេញ និងប្រាក់ផ្សេងៗ ជាសាច់ប្រាក់ដល់រដ្ឋាភិបាលពីប្រតិបត្តិការដែលកំពុងមានស្រាប់ ហើយជំនួសមកវិញគួរតែដាក់ប្រាក់ទាំងនោះបង្កកទុកក្នុងធនាគារសិន រហូតដល់លទ្ធិប្រជាធិបតេយ្យត្រូវបានស្តារឡើងវិញនៅក្នុងប្រទេស។
គួរជម្រាបថា វិស័យប្រេងនិងឧស្ម័នបានរកចំណូលជិត១ពាន់លានដុល្លារអាមេរិកក្នុងមួយឆ្នាំៗ ដល់រដ្ឋាភិបាលភូមាដែលចាប់តាំងពីខែមុនមក ត្រូវបានគ្រប់គ្រងដោយពួកយោធា និងកំពុងរងការចោទប្រកាន់ពីការរំលោភសិទ្ធិមនុស្សធ្ងន់ធ្ងរ។
អត្ថបទទាក់ទង
ជាការឆ្លើយតប ក្រុមហ៊ុនប្រេង Woodside របស់អូស្រ្តាលី បានសម្រេចផ្អាកប្រតិបត្តិការរបស់ខ្លួនហើយកាលពីថ្ងៃច័ន្ទដើមសប្តាហ៍នេះ ព្រមទាំងបានដកកម្មករនិយោជិតរបស់ខ្លួនទាំងអស់ចេញពីប្រទេសមួយនេះ។ ក្រុមហ៊ុនបានបន្ថែមថា ខ្លូននឹងធ្វើការពិចារណាឡើងវិញ ថាគួរបន្តប្រតិបត្តិការរបស់ខ្លួនវិញនៅពេលណា និងដោយរបៀបណា។
សូមបញ្ជាក់ថា វិនិយោគទុន និងក្រុមហ៊ុនធំៗជាច្រើនបានផ្អាក និងបញ្ឈប់ប្រតិបត្តិការរកស៊ីរបស់ខ្លួនជាបន្តបន្ទាប់នៅភូមា ជាពិសេសនៅបន្ទាប់ពីរបបសឹកចាប់ផ្តើមបើកការបង្ក្រាបកាន់តែហិង្សាលើពលរដ្ឋស្លូតត្រង់ ដែលជាអ្នកតវ៉ាប្រឆាំង៕
None
