នេះបើយោងទៅតាមការចុះផ្សាយដោយសារព័ត៌មានអន្តរជាតិធំៗជាច្រើន។
បច្ចុប្បន្ន ប្រទេសអាល្លឺម៉ង់ គឺជាប្រទេសមួយដែលមានសេដ្ឋកិច្ចធំជាងគេបំផុតនៅអឺរ៉ុប ហើយក្នុងនោះ ក្រោមការដឹកនាំរបស់ Angela Merkel អាល្លឺម៉ង់ ក៏បានដើរតួនាទីយ៉ាងសំខាន់នៅអឺរ៉ុប និងលើឆាកអន្តរជាតិ។ មិនតែប៉ុណ្ណោះ លោកស្រី Angel ក៏ជាមេដឹកនាំមួយរូប ដែលបាននាំប្រទេសអាល្លឺម៉ងឆ្លងផុតពីវិបត្តិសេដ្ឋកិច្ចធំៗជាច្រើនផងដែរ។
មិនតែប៉ុណ្ណោះ លោកស្រី Angela ក៏ជាស្ត្រីមេដឹកនាំទី១របស់អាល្លឺម៉ង់ ដែលមានដើមកំណត់ និងធំដឹងក្ដីនៅក្នុងអតីតអាល្លឺម៉ង់ខាងកើតផងដែរ។
អាជីពនយោបាយរបស់លោកស្រី Angela គឺត្រូវបានចាប់ផ្ដើមឡើង នៅគ្រាដែលវាំងននដែក (Iron Curtain) ដែលបានខណ្ឌចែកអឺរ៉ុបជាពីរត្រូវបានដួលរលំ។ ក្រោយពីប្រទេសអាល្លឺម៉ង់ត្រូវបានបង្រួបបង្រួម នៅក្នុងឆ្នាំ១៩៩០ លោកស្រីត្រូវបានតែងតាំងជារដ្ឋមន្ត្រីក្រសួងស្ត្រី និងយុវជន ដោយអតីតធិបការបតីលោក ហេលមាត់ ឃូល (Helmut Kohl)។
លុះក្រោយមកនៅឆ្នាំ២០០០ លោកស្រី បានក្លាយជាមេដឹកនាំគណៈបក្សប្រជាធិបតេយយគ្រឹស្ដសាសនា (CDU) ហើយនៅឆ្នាំ២០០៥ លោកស្រីបានឈ្នះការបោះឆ្នោត និងបានដឹកនាំរដ្ឋាភិបាលចម្រុះនៃគណបក្សប្រជាធិបតេយ្យគ្រឹស្ដសាសនា និងគណៈបក្សប្រជាធិបតេយ្យសង្គម។
អត្ថបទគួរអាន
កាន់តំណែងបានតែ៣ឆ្នាំ រដ្ឋាភិបាលរបស់លោកស្រី ក៏ត្រូវប្រឈមមុខនឹងវិបត្តិហិរញ្ញវត្ថុសាកលនៅឆ្នាំ២០០៨។ វិបត្តិធនាគារ ក៏បានក្លាយទៅជាវិបត្តិបំណុលលុយអឺរ៉ូ ប៉ុន្ដែ អាល្លឺម៉ង់នៅតែឆ្លងផុតវិបត្តិទាំងនេះ រហូតដល់លោកស្រី Angela ត្រូវបានបានគេឲ្យរហ័សនាមថា ជាអធិបការបតីពូកែខាងគ្រប់គ្រងវិបត្តិថែមទៀតផង។
សូមបញ្ជាក់ថា ការបោះឆ្នោតជ្រើសរើសអធិបការបតីរបស់អាល្លឺម៉ង់នៅមានការប្រទាញប្រទូងគ្នានៅឡើយរវាងគណៈបក្សស្ដាំនិយម និងគណៈបក្សឆ្វេងនិយម ដោយក្នុងនោះ គណៈបក្សស្ដាំនិយមរបស់លោកស្រី Angela បានជ្រើសរើសលោក Armin Laschet គឺជាបេក្ខភាពសម្រាប់តំណែងអធិបការបតីនេះ។
យើងនឹងរង់ចាំមើលបន្ដទៀតថា តើនរណានឹងក្លាយជាដណ្ដើមបានតំណែងអធិបការបតីបន្ដពីលោកស្រី Angela Merkel ក្រោយពីការបោះឆ្នោតជាតិរបស់អាល្លឺម៉ង់ត្រូវបានបញ្ចប់នាពេលខាងមុខនេះ៕
None
