តើអ្នកបានអានអត្ថបទនេះឬនៅ?
បន្ទាប់ពីបន្ថែមទុនជាង២ពាន់លានដុល្លារ ទិញភាគហ៊ុន ក្រុមហ៊ុន Lazada ដែលជាក្រុមហ៊ុនលក់ទំនិញតាមអនឡាញនាំមុខគេមួយនៅអាស៊ីអាគ្នេយ៍ កាលពីពាក់កណ្ដាលឆ្នាំ២០១៧កន្លងទៅនេះ បានធ្វើឲ្យក្រុមហ៊ុន Alibaba បានកាន់កាប់ភាគហ៊ុនរហូតដល់ ៨៣% នៃក្រុមហ៊ុន Lazada ហើយបច្ចុប្បន្ន Alibaba ក៏បានព្យាយាមទិញទ្រព្យសកម្មក្នុងប្រព័ន្ធអ៊ិនថឹណិត និងក្រៅប្រព័ន្ធអ៊ិនថឹណិតរបស់ក្រុមហ៊ុននេះ ដើម្បីជំរុញល្បឿនរីកចម្រើនរបស់ក្រុមហ៊ុនរបស់ខ្លួនផងដែរ។
ក្រុមហ៊ុន Lazada មានប្រតិបត្តិការនៅក្នុងបណ្ដាប្រទេសជាច្រើននៅក្នុងតំបន់អាស៊ីអាគ្នេយ៍ រួមមាន ឥណ្ឌូនេស៊ី ម៉ាឡេស៊ី ភីលីពីន សាំងហ្គាពួរ ថៃ និងវៀតណាម ដែលមានអតិថិជនទាំងអស់ជាង ៥៦០លាននាក់។
យ៉ាងណាក៏ដោយ ប្រទេសកម្ពុជានៅមិនទាន់មានឃើញការវិនិយោគពីក្រុមហ៊ុន Alibaba នេះចូលមកនៅឡើយទេ ខណៈដែលប្រទេសជិតខាង ដូចជា វៀតណាម និងថៃ បាននិងកំពុងចាប់ផ្ដើមមានការបោះជំហានវិនិយោគពីក្រុមហ៊ុនយក្សមួយនេះជាបណ្ដើរៗហើយ៕
