គួរអានអត្ថបទនេះផង !
ប្រជាជនអាមេរិកចំណាយប្រាក់សរុប ១៨ពាន់ ២រយលានដុល្លារ សម្រាប់ថ្ងៃបុណ្យនៃក្ដីស្រលាញ់ក្នុងឆ្នាំ២០១៧នេះ។
នេះបើយោងតាមការស្ទង់មតិមួយរបស់ សហព័ន្ធផ្សារលក់រាយជាតិ (NRF) ដែលចុះផ្សាយដោយទស្សនាវដ្ដី Fortune.com។
ការចំណាយរបស់ពលរដ្ឋអាមេរិកនៅថ្ងៃបុណ្យនៃក្ដីស្រលាញ់នៅឆ្នាំ២០១៧នេះ ថយចុះ ៧,៦% បើធៀបនឹងឆ្នាំ២០១៦កន្លងទៅ ដែលពលរដ្ឋអាមេរិកចំណាយប្រាក់ដល់ទៅ ១៩ពាន់ ៧រយលានដុល្លារ។
តើលុយដ៏សន្ធឹកសន្ធាប់ទាំងនេះចាយទៅលើមុខអ្វីខ្លះ?
គ្រាន់តែសម្រាប់គ្រឿងអលង្ការមួយមុខ ប្រជាជនអាមេរិកចំណាយប្រាក់ជាង ៤ពាន់លានដុល្លារ ចាយទៅលើទិញផ្កា ២ពាន់លានដុល្លារ ចាយទៅលើទិញស្ករសូកូឡា ១ពាន់៨រយលានដុល្លារ ចាយលើការហូបអាហាររ៉ូមែនទិក ៤ពាន់លានដុល្លារ។
ក្រៅពីនេះ ប្រជាជនអាមេរិកក៏ចំណាយទៅលើការទិញសម្លៀកបំពាក់ កាតជូនពរ និងអំណោយសម្រាប់សត្វចិញ្ចឹមរបស់ពួកគេផងដែរ។
ជាមធ្យម ពលរដ្ឋអាមេរិកចាយលុយម្នាក់ ១៣៦,៥៧ដុល្លារ សម្រាប់បុណ្យនៃក្ដីស្រលាញ់ឆ្នា២០១៧នេះ ហើយកាលពីឆ្នាំ២០១៦ ពួកគេម្នាក់ៗចាយប្រាក់ជាង ១៤៦ដុល្លារ៕
