អាជ្ញាធរ ដាក់ដេញថ្លៃប្រមូលផល អនុផលព្រឈើនៅអាងស្ដុកទឹកនៃគម្រោងវារីអគ្គិសនីស្ទឹងពោធិ៍សាត់១

ការដេញថ្លៃប្រមូលផល អនុផលព្រៃឈើប៉ាន់ស្មានដែលអាចប្រមូល ក្នុងអាងស្តុកទឹកនៃគម្រោងវារីអគ្គិសនីស្ទឹងពោធិ៍សាត់ ខេត្តពោធិ៍សាត់ មានទីតាំងស្ថិតក្នុងស្រុកវាលវែង ខេត្តពោធិ៍សាត់។ ការដាក់ដេញថ្លៃ ជាសាធារណៈ នូវផល អនុផលព្រៃឈើ បានវាយតម្លៃប៉ាន់ស្មានធនធានព្រៃឈើ បរិមាណប៉ាន់ស្មានឈើឈរមានដូចជា ឈើឈរចម្រុះប្រភេទសរុបចំនួន ៩ពាន់ម៉ែត្រគូប កូនឈើចម្រុះសរុបចំនួន ៦៥.៤៩០ ដើម និងអុសចម្រុះសរុបចំនួន ១៥៣១៧៥ ស្ទែរ និងបានវាយតម្លៃជាមូលដ្ឋានចំនួន ជាង ៤៣ម៉នដុល្លារ និង ជិត១.៣០០ លានរៀល។ 

ជាងនេះទៅទៀត រូបវ័ន្តបុគ្គល និងនីតិបុគ្គលអាចចូលរួមដេញថ្លៃ លើកលែងតែអ្នកធ្លាប់មានប្រវត្តិប្រព្រឹត្តបទល្មើសព្រៃឈើ និងអ្នកជាប់ជំពាក់បំណុលរដ្ឋ អាចចូលរួមដេញថ្លៃបានដោយត្រូវបំពេញសំណុំបែបបទ និងលក្ខខណ្ឌដូចមានចែងក្នុងសៀវភៅបន្ទុកដេញថ្លៃ។ ចំពោះកាលកាលបរិច្ឆេទការលក់និងដាក់ពាក្យសុំដេញថ្លៃចាប់ពីថ្ងៃទី១៦ ខែកុម្ភៈ រហូតដល់ថ្ងៃទី ៣០ ខែមីនា ឆ្នាំ២០២២   ហើយដំណើរការដេញថ្លៃ នឹងប្រព្រឹត្តទៅនៅថ្ងៃទី ៣១ ខែមីនា ឆ្នាំ២០២២ វេលាម៉ោង ៣:០០ រសៀល៕

អត្ថបទ សោម ស្រីពេជ្រ