ធនាគារកណ្តាលថៃ បាននិយាយនៅក្នុងសេចក្តីថ្លែងការណ៍មួយថា ក្នុងអំឡុងពេលសាកល្បងនោះ រូបិយបណ្ណឌីជីថលលក់រាយរបស់ធនាគារកណ្តាល(CBDC) នឹងត្រូវបានដាក់ឱ្យប្រើក្នុងការធ្វើប្រតិបត្តិការដូចសាច់ប្រាក់ ដូចជាការបង់ប្រាក់សម្រាប់ទំនិញ និង សេវាកម្មនៅក្នុងតំបន់ដែលមានកំណត់ក្នុងចំណោមម្ចាស់អាជីវកម្មលក់រាយប្រហែល ១ ម៉ឺននាក់។
សេចក្តីថ្លែងការណ៍បានគូសបញ្ចាក់ថា ធនាគារកណ្តាលថៃ នឹងវាយតម្លៃអត្ថប្រយោជន៍ និង ហានិភ័យពីគម្រោងសាកល្បង ដើម្បីបង្កើតគោលនយោបាយពាក់ព័ន្ធ និង កែលម្អបន្ថែមឲ្យប្រសើរឡើង ប៉ុន្តែនាពេលបច្ចុប្បន្ននេះ ធនាគារកណ្តាលថៃ មិនទាន់មានគម្រោងក្នុងការដាក់ចេញឱ្យប្រើប្រាស់រូបិយបណ្ណឌីជីថលលក់រាយរបស់ខ្លួនជាផ្លូវការនោះទេ។
អត្ថបទគួរអាន
គួរបញ្ជាក់ថា រូបិយបណ្ណឌីជីថលលក់រាយរបស់ធនាគារកណ្តាល គឺជាទម្រង់សាច់ប្រាក់ឌីជីថល ដែលចេញដោយធនាគារកណ្តាល អាចប្រៀបធៀបទៅនឹងក្រដាសប្រាក់រូបវន្ត ដែលវាអាចត្រូវបានប្រើនៅក្នុងប្រតិបត្តិការហិរញ្ញវត្ថុទាំងអនឡាញ និងក្រៅបណ្តាញអនឡាញ។
ទោះយ៉ាងណា ធនាគាកណ្តាលថៃ បាននិយាយថា ខ្លួនមិនគាំទ្រការប្រើប្រាស់ទ្រព្យសកម្មឌីជីថល ដូចជា bitcoin និង ether ជាការទូទាត់សម្រាប់ទំនិញ និងសេវាកម្មនោះទេ ដោយសារវាអាចបង្កជាហានិភ័យខ្ពស់៕
